Vrolok သို့မဟုတ် အလင်းကြောက်သူရဲ့ညတစ်ည
24 May 2010 Leave a Comment
Vrolok သို့မဟုတ် အလင်းကြောက်သူရဲ့ညတစ်ည
#22:02
လေထုရဲ့အသံဗလံတွေထဲ
ကွေးကောက်နေတဲ့လ
အချွှန်အတက်ကြယ်တွေကြား
ငါ ..
အလင်းမဲ့မီးစုန်းပါ … ။
#23:30
ချွှတ်ချွှတ်ချက်ချက်လေတိုးသံနဲ့
ခပ်ပြင်းပြင်းခွက်မှောက်တဲ့နောက်
အဆုံးသတ်အိပ်ယာဝင်ပုံပြင်တွေထဲ
ငါ ..
သံစဉ်မရှိတဲ့တီးလုံးပါ … ။
#00:46
ခပ်တိုးတိုးခွေးဟောင်သံနဲ့
တရေးနိုးခြေသံတွေကြား
လိုက်မမှီတော့လို့
ရပ်နေဆဲနေရာတွေနဲ့
ငါ ..
အဆုံးမသိတဲ့လမ်းကြားပါ … ။
#01:11
အရောင်မှိန်ညလင်းမီးရဲ့
အိုက်စပ်စပ်နံရံတွေကြား
ချာချာလည်ဒလက်တွေနဲ့
ငါ ..
ဆက်ငိုင်နေဦးမယ့်အရုပ်ပါ … ။
#02:55
ခပ်ကျဲကျဲကောင်းကင်ကြီးထဲ
ပြန်သူပြန် ကျန်သူကျန်နဲ့
အလင်းဖျော့ဖျော့တွေကြား
ငါ ..
မြောက်အရပ်မသိတဲ့ compass ပါ … ။
#03:49
ငှက်အော်သံတစ်ချက်တချက်နဲ့
တောင်ပံခတ်သံတဖျပ်ဖျပ်ကြား
ကျိန်းစပ်စပ်မျက်လုံးတွေနဲ့
ငါ ..
အိမ်မက်မမက်တဲ့တစ္တေပါ … ။
#04:28
ဟိုဘက်တွေး ဒီဘက်တွေး
တစ်ယောက်ထဲနယ်ချဲ့ရင်း
ကျဉ်းမြောင်းတဲ့ဝရံတာလေး
ဘောင်အကျော် ဒီတစ်ဘက်ရဲ့အခြား
ကျန်လိုက် ချန်လိုက်
ဖြုတ်လိုက်တပ်လိုက်နဲ့
ကန့်လကာတွေပိတ်
ရေးလက်စတွေသိမ်းလို့
ကျောခိုင်းရတော့မဲ့
မနက်ခင်းကို
ငါ ..
အလင်းကြောက်အရူးတစ်ယောက်ပါ … ။
ညိမ်ဝေးညီ
