စေတန်တယော

ဥပေက္ခာ

01 Jan 2010 1 Comment

by phoenix in "ရပ်" စာစုများ

“ဥပေက္ခာ”

သူ့ကိုချစ်ခဲ့တယ်ဆိုတာ

တိမ်တွေကိုဆွတ်

နှင်းဆီလိုစည်းပြီး

ပန်းတော်ဆက်ဖို့မဟုတ်ခဲ့ပါဘူး ..

ညနေခင်းတစ်ခုရဲ့

လှပမှုအတွက်

တိမ်တွေကိုပျိုးခဲ့တာပါ

နင်လိုအပ်သမျှခံစားသုံးစွဲပါ

အကန့်အသတ်မဲ့ခြင်းနဲ့ပေါ့ .. ။

သူ့ကိုမျှော်လင့်မိခဲ့တယ်ဆိုတာ

ရိုးတံတစ်ခုကို

သဘာဝလွန်တိမ်းညွတ်စေမှုမျိုးမဟုတ်ခဲ့ပါဘူး ..

မိုးစက်လေးတွေခုန်ချပြီး

ငြိမ်းအေးစွာကိုင်းညွတ်စေမှုပါ

လွတ်လပ်စွာအေးမြလန်းဆန်းလိုက်ပေါ့ .. ။

သူ့ကိုတွယ်တာခဲ့တယ်ဆိုတာ

အပင်တစ်ပင်ပျိုးခဲ့တာမဟုတ်ပါဘူး ..

ပန်းတစ်ပွင့် (အလိုလျောက်)

ပွင့်ခဲ့သလိုပါ

အစွမ်းကုန်အလှဆင်ပေးပြီး

အချိန်တန်ရင်ကြွေပေးခဲ့ရုံပေါ့ .. ။

သဘာဝဖြစ်စဉ်တစ်ခုပါပဲ

နင် …

လွယ်ကူစွာမျက်ကွယ်ပြုနိုင်ပါတော့ .. ။

စည်သူ

ချဉ်စုပ်စုပ်ကဗျာဆရာ

01 Jan 2010 Leave a Comment

by phoenix in "ရပ်" စာစုများ

“ချဉ်စုပ်စုပ်ကဗျာဆရာ”

အိမ်မက်တွေအရည်ပျော်ကျချိန်ပေါ့

တိမ်တိုက်တွေငိုကြ

ပန်းတွေကြွေကြ ၊ သစ်ပင်တွေသေကြ

ဘ၀တစ်ခုလုံး လုံးပါးပါးသွားတာတောင်

ကြမ္မာခွေးအိုကြီးက အချိုမ၀တ၀

ကိုယ့်အပြစ်နဲ့ကိုယ်မဟုတ်ပေမယ့်

သူ့ကိစ္စသူတော့ရှိမှာပေါ့ .. ။

လတ်ဆတ်တဲ့အနမ်းတွေမရှိခင်ကတည်းက

ခြောက်သွေ့ခဲ့ရတာ

အခုတော့လည်း

အေးမြတဲ့လေကြမ်းတွေနဲ့ ချမ်းနေခဲ့တယ်

ဝဲမရှိဘဲလည်ခဲ့ရတဲ့လှေငယ်လို

ငါက …

ဝဲရှိလျက်နဲ့မလည်ဖြစ်တာပါ

ကမ္ဘာကြီးရွာတစ်ရွာမဖြစ်ခင်ကတည်းက

တစ်ရွာတစ်ကျီဆောက်

တစ်ခွက်ပြီးတစ်ခွက်သောက်

မှောက်တော့မှ

“ငါအိပ်ပျော်ခဲ့ရတယ်”

ယာသစ်

ရပ်

01 Jan 2010 Leave a Comment

by phoenix in "ရပ်" စာစုများ

“ရပ်”

မူလတန်းအရွယ် ၊ လူမမယ်ချိန်

မှိန်မှိန်ဘ၀ ၊ ဖြစ်စဉ်တည်းက

ငါ ဘ၀ဟာရပ် ။

အရွယ်ရောက်လို့ ၊ လူလားမြောက်ချိန်

ကဗျာစဖတ် ၊ စာစတတ်ပြီး

ကောင်မလေးတွေ ၊ လိုက်ကာငေးလည်း

ပြန်မကြည့်လို့ရပ် ။

အခြေခံအဆင့် ၊ ဆယ်တန်းဝင်ခွင့်

ဖြေချိန်ရောက်လည်း ၊ ထင်တိုင်းမပေါက်

စာမကြောက်လို့ ၊ ရမှတ်တွေက ရပ် ။

ကောလိပ်ကျောင်းသား ၊ ငါပဲပေါ့ကွ

အကြွားသန်သန် ၊ စိတ်ထန်ထန်နှင့်

နေပူကျဲတဲ ၊ ဖုံတောထဲတွင်

အားကြိုးမာန်တက် ၊ အတန်းတက်ဖို့

သမာမခိုင် ၊ စိတ်ယိုင်ယိုင်နှင့်

ဆံပင်ရှည်ရှည် ၊ လူတေလေမို့

စာမေးပွဲမှာ ရပ် ။

ရပ်တိုင်းမကြောက် ၊ ထင်တိုင်းပေါက်လို့

ငါဆိုတဲ့ကောင် ၊ မိုးမီးလောင်လည်း

မကြောက်မှုရွံ့ ၊ ရှေ့ဆက်ဝံ့သည်

မိုးထိတိုင်အောင် ၊ လှေကားထောင်လို့ ရပ် ။

မင်းနဲ့တွေ့ချိန် ၊ လင်းထိန်ဘ၀

အမှောင်ပျောက်စ ၊ ကြည်နူးရလို့

ပျော်ရွှင်စိတ်ကူး ထူးထွေမတွေး

ချစ်ခွင့်လဲပန် ၊ စိတ်ပြန်လည်အောင်

ရူးအောင်ကြိုးစား ၊ ချစ်ခဲ့ငြားလည်း

အစဉ်ထုံးတမ်း ၊ လျှောက်ခဲ့လမ်းလို

တုံ့ပြန်မေတ္တာ ၊ မရပါခဲ့

အမုန်းများသာ ၊ ပြည့်လာပါရဲ့

ငါဆိုတဲ့ကောင် ရပ် ။

အရှင်ဘုရား ၊ ဆုတောင်းပါ၏

ဘ၀ဆက်တိုင်း ၊ မရပ်ပါနှင့်

ရပ်ခြင်းများစွာ ၊ ဤဘ၀မှာ

ကုန်လိုပါ၏ ။

ခရီးသစ်

01 Jan 2010 Leave a Comment

by phoenix in "ရပ်" စာစုများ

“ခရီးသစ်”

ဘယ်မြို့ကမှ အ၀င်မခံတဲ့ကောင်ပေါ့

ကိုယ့်ကိုယ်ကိုလောင်းကြေးတင်

အမြင့်ပျံစိတ်ကူးတွေနဲ့

ချိနဲ့နေခဲ့ရတာကြာပေါ့ .. ။

ဆောင်းရာသီဂျုံခင်းတွေထဲမှာ

အလေအလွင့်နည်းချင်ပေမယ့်

တစ်ခါတစ်ရံမှာ ..

ကြံကြမ္မာဟာ ..

မီးပွိုင့်တစ်ခုနဲ့ထပ်ထူနေတတ်တယ် .. ။

ကိုယ့်ဘ၀ကိုကိုယ်ရီပလေး(Replay)

ပြန်မကြည့်နိုင်ခဲ့လို့

တဘ၀စာအဆုံးအဖြတ်မှာ

“ဟတ်ထရစ်” မသွင်းနိုင်ခဲ့ဘူး .. ။

အခုတော့

ရင်ခုန်မှုအသစ်စက်စက်တွေနဲ့

ကိုယ်ပင်လယ်ကြီးကိုယ်ပြန်ဖို့နေရတာ …

သေချာပါတယ် ..

စိတ်တွေနဲ့ဝင်ရိုးစွန်းရေခဲပြင်တွေ

ညီမျှခြင်းချလို့ရတဲ့နေ့မှာ

ကိုယ်က …

မိုးပျံပူဖောင်းတစ်လုံးလိုကြံ့ခိုင်ဖို့လိုတယ် ..

မယ်မယ်ရရမဟုတ်တဲ့လက်ခုပ်သံတစ်ချို့လိုတယ် ..

အပေါစားအားဆေးတစ်လုံးလောက်လိုတယ် ..

လိုရမယ်ရစိတ်တစ်ချို့လိုတယ် ..

နောက်ဆုံး …

ဝီစကီအရသာနဲ့

အဆိပ်ခွက်တစ်ခွက်လည်းလိုတယ် … ။

ယာသစ်